Luang Prabang Today

 

ໂດຍອີງໃສ່ຍຸດທະສາດທີ 4 ທີ່ໄດ້ກຳນົດ ຢູ່ໃນ 7 ຍຸດທະສາດລວມຂອງແຂວງຄື: ຈັດສັນ ອາຊີບກະສິກຳ-ປ່າໄມ້ ແບບຍືນຍົງຕິດພັນກັບການປຸງແຕ່ງ ເພື່ອຜະລິດເປັນສິນຄ້າ ຮອງຮັບ ການທ່ອງທ່ຽວ ໂດຍກຳນົດທິດທາງໃນການຈັດສັນອາຊີບຄົງທີ່ຫລຸດຜ່ອນການຖາງປ່າເຮັດໄຮ່ ແລະ ຊຸກຍູ້ສົ່ງເສີມການຜະລິດເປັນສິນຄ້າໃຫ້ສອດຄ່ອງ ແລະ ບັນລຸຕາມເປົ້າຫມາຍ ຍຸດທະ ສາດຂອງແຂວງ.
   ໃນໄລຍະຫນຶ່ງປີທີ່ຜ່ານມາ ທາງພະແນກກະສິກຳ-ປ່າໄມ້ແຂວງຫລວງພະບາງ ສາມາດ ສະຫລຸບໄດ້ເຖິງຫມາກຜົນທີ່ພົ້ນເດັ່ນໃນການຜະລິດທີ່ສາມາດ ເປັນສິນຄ້າສົ່ງອອກທັງພາຍໃນ ແລະ ຕ່າງປະເທດ ສ້າງລາຍຮັບອັນມະຫາສານໃຫ້ແກ່ປະຊາຊົນກໍຄື ງົບປະມານຂອງແຂວງ ໃນນັ້ນ ມີໄມ້ສັກ ມາຮອດປະຈຸບັນ ສາມາດສົ່ງຂາຍພາຍໃນປະເທດ ມີທັງຫມົດ 2.267.224 ແມັດກ້ອນ. ໃນນັ້ນ, ໄມ້ສັກຕີຕັບ 1.206.915 ແມັດກ້ອນ ແລະ ໄມ້ທ່ອນ 506,492 ແມັດ ກ້ອນ ແລະ ສົ່ງອອກຕ່າງປະເທດ 2.319,932 ແມັດກ້ອນ, ໄມ້ສັກຕີຕັບ 1.369,516 ແມັດ ກ້ອນ ແລະໄມ້ສັກທ່ອນ 362,987 ແມັດກ້ອນ ລວມໄມ້ສັກທີ່ສົ່ງອອກພາຍໃນ ແລະຕ່າງປະ ເທດທັງຫມົດ 4.587,156 ແມັດກ້ອນ, ເປັນມູນຄ່າທັງຫມົດ 6.880.734.000 ກີບ; ເຄື່ອງ ປ່າຂອງດົງທີ່ສົ່ງອອກທາງພາຍໃນ ແລະ ຕ່າງປະເທດມີດອກແຂມ 282 ໂຕນ, ເປືອກເມືອກ 14 ໂຕນ, ປໍສາແຫ້ງ 700 ໂຕນ, ຊິ້ນສ່ວນໄມ້ເກດສະຫນາ 313 ກິໂລກລາມ, ຍານ3.260 ໂຕນ, ຂີ້ຊີ 210 ໂຕນ,ຫມາກຕາວ 38 ໂຕນ,ຜະລິດຕະພັນເຄືອແຮມ 50 ໂຕນ, ລວມແລ້ວ ເປັນມູນຄ່າທັງຫມົດ 8.049.195.000 ກີບ, ຜະລິດຕະພັນກະສິກຳ ຫມາກງາ 1.194 ໂຕນ, ສາລີ 3.460 ໂຕນ,ຫມາກເດືອຍ 3.602 ໂຕນ,ຫມາກເດືອຍປອກເປືອກ 348 ໂຕນ ແລະ ຫມາກຂາມປອກເປືອກ 10 ໂຕນເຊິ່ງເປັນມູນຄ່າທັງຫມົດ 20.932.600.000 ກີບ. ນອກນີ້, ຍັງມີສັດທີ່ເປັນຜະລິດຕະພັນສົ່ງອອກຕ່າງແຂວງເຊັ່ນ: ຄວາຍ 1.614 ໂຕ, ງົວ 2.766 ໂຕ, ຫມູ 1.393 ໂຕ, ມ້າ 168 ໂຕ, ແບ້ 2.302 ໂຕ, ໄຂ່ໄກ່ 37.430 ແລະຊີ້ນຄວາຍຈຳນວນ 10.500 ກິໂລກລາມ.
From: www.ecom.org