Luang Prabang Today

Members Login

Post Info

TOPIC: ຊົມພາບ ການເຣັດເຣືອໄຟບົກ ຂອງບັນດາສາມະເນນ ໃນວັດຕ່າງໆທີ່ ຫລວງພະບາງ

soudaphone

Member

Status: Offline

Posts: 13

Date: Oct 25, 2007

ຊົມພາບ ການເຣັດເຣືອໄຟບົກ ຂອງບັນດາສາມະເນນ ໃນວັດຕ່າງໆທີ່ ຫລວງພະບາງ	Permalink

ມາຊົມ ພາບບັນຍາກາດ ການເຮັດເຮືອໄຟບົກ ຂອງບັນດາສໍາມະເນນ ໃນວັດຕ່າງໆ ທີ່ຫລວງພະບາງ, ເຊິ່ງເຮືອໄຟບົກນີ້ ສ່ວນຫລາຍຈະເປັນຜົນງານຂອງສຳມະເນນໃນວັດຕ່າງໆ, ເພື່ອກຽມໄວ້ໄຕ້ບູຊາ ໃນມື້ຂຶ້ນ ສິບຫ້າຄໍ່າ ເດືອນສິບເອັດ, ກ່ອນມື້ໄຫລເຮືອໄຟຫນຶ່ງມື້, ເຊິ່ງໃນມື້ດັ່ງກ່າວນັບວ່າເປັນຄໍ່າຄືນທີ່ສວຍງາມຂອງ ເມືອງຫລວງພະບາງ, ວັດວາອາຮາມທຸກແຫ່ງ ລວມໄປເຖິງບ້ານເຮືອນປະຊາຊົນ ແລະ ສະຖານທີ່ຕ່າງໆ ຈະຮຸ່ງສະຫ່ວາງ ສະໄຫວ ໄປດ້ວຍແສງໂຄມໄຟອັນນ້ອຍໃຫຍ່ ແລະ ແສງໄຟຂອງເຮືອໄຟບົກອັນງົດງາມ. ສ່ວນເຮືອໄຟນໍ້າ ນັ້ນຈະແມ່ນຫນ້າທີ່ຂອງປະຊາຊົນພາຍໃນບ້ານຕ່າງໆ, ເຮືອໄຟແຕ່ລະລຳທີ່ຈະເຂົ້າຮ່ວມພິທີໄຫລເຮືອໄຟ ໃນມື້ແຮມຫນຶ່ງຄໍ່ານັ້ນ ມັນຄືຕົວແທນໃຫ້ແກ່ປະຊາຊົນພາຍໃນເຂດແລະບ້ານນັ້ນໆ ສະແດງໃຫ້ເຫັນຄວາມສາມັກຄີ, ຫົວຄິດປະດິດສ້າງ ແລະ ສີໄມ້ລາຍມືອັນມີສິນລະປະໃນບ້ານຂອງຕົນ, ເຊິ່ງປີທີ່ ຜ່ານມານັ້ນ ມີເຮືອໄຟຈາກສີ່ເຂດຂອງເມືອງຫລວງພະບາງ ເຂົ້າຮ່ວມ ຄື ເຂດຊຽງທອງ, ເຂດວິຊຸນ, ເຂດວັດທາດ ແລະ ເຂດມະໂນ, ເຂດລະ ສີ່ລໍາ ລວມທັງຫມົດເປັນ ສິບຫົກລໍາ, ຂະບວນໄຫລເຮືອ ໄຟຈະເລີ້ມຂຶ້ນໃນຕອນແລງຂອງມື້ແຮມຫນຶ່ງຄໍ່າເດືອນ ສິບເອັດ ເຊິ່ງເຮືອໄຟຈາກເຂດຕ່າງໆ ຈະມາເຕົ້າໂຮມກັນຢູ່ບໍລິເວນຫນ້າພະລາດຊະວັງເກົ່າ ເພື່ອກຽມແຫ່ໄປທຳພິທີທາງສາດສະຫນາຢູ່ວັດຊຽງທອງ, ຖ່າມກາງການເຂົ້າຮ່ວມຂະບວນຂອງປະຊາຊົນຢ່າງຫລວງຫລາຍ, ກ່ອນທີ່ຈະປ່ອຍເຮືອໄຟໄຫລໄປຕາມນໍ້າຂອງ, ປະຈຸບັນທາງຄະນະກຳມະການຍັງມີລາງວັນ ເພື່ອຍ້ອງຍໍສັນລະເສີນໃຫ້ແກ່ເຮືອໄຟທີ່ມີຄວາມງົດງາມແລະສະແດງເຖິງການຮັກສາໄວ້ເຊິ່ງສິນລະປະຂອງຊາວຫລວງພະບາງອີກດ້ວຍ. ສຳມະເນນ ກຳລັງປະດັບປະດາເຮືອໄຟບົກ ເພື່ອກຽມໄວ້ໄຕ້ບູຊາ ໃນມື້ຂຶ້ນ 15 ຄໍ່າເດືອນສິບເອັດນີ້. ໂຄມດາວແປດຫລ່ຽມ ອັນສວຍງາມ ໂຄມເຮືອບິນ ອັນໂດດເດັ່ນ, ຮູ້ສຶກຈະຄ້າຍ ເຮືອບິນຂອງສາຍການບິນລາວ ນັກທ່ອງທ່ຽວ ກໍາລັງເຂົ້າມາທ່ຽວຊົມ ບຸນໄຫລເຮືອໄຟ, ອອກພັນສາປະວໍລະນາ ສາມະຄີກັນ ສ້າງໂຄງຮ່າງເຮືອໄຟ, ຍັງເວລາເຫລືອ ແຕ່ສອງມື້ເທົ່ານັ້ນ. ວັດນີ້ກຽມພ້ອມແລ້ວເດີ່ ໂຄມນຸກຍຸງ ອັນງາມສະດຸດຕາ ປິດທ້າຍດ້ວຍ ໂຄມເຮືອບິນ. -- Edited by Luangprabang2day at 21:25, 2007-10-25 __________________ http://soudaphone.multiply.com http://lsdatkyushu.webs.com

Page 1 of 1 sorted by

Tweet this page

Post to Digg

Post to Del.icio.us

Create your own FREE Forum
Report Abuse