ສາທາລະນະລັດ ປະຊາທິປະໄຕ ປະຊາຊົນລາວ ສັນຕິພາບ ເອກະລາດ ປະຊາທິປະໄຕ ເອກະພາບ ວັດທະນາຖາວອນກະຊວງໂຍທາທິການ ແລະ ຂົນສົ່ງລັດວິສະຫະກິດການບິນລາວ ປະກາດຮັບສະຫມັກລັດວິສະຫະກິດການບິນລາວ ຕ້ອງການຮັບສະຫມັກ ພະນັກງານຈຸຫ້ອງໂດຍສານ ເທິງເຮືອບິນ (Air Hostesses) ຈໍານວນ 20 ຄົນ. ເງື່ອນໄຂຜູ້ສະຫມັກມີດັ່ງນີ້ :1: ສັນຊາດລາວ, ອາຍຸ 19 - 23 ປີ, ເປັນຍິງໂສດ, ຊາຍໂສດ, ລວງສູງ 1,65 ແມັດຂຶ້ນໄປ.2: ມີບຸກຄະລິກດີ, ຮູບຮ່າງຫນ້າຕາງາມ, ນໍ້າຫນັກສົມສ່ວນກັບລວງສູງ ແລະ ມີອັດທະຍາໄສດີ.3: ມີບ່ອນພັກອາໄສ ແລະ ພາຫະນະທຽວການກຸ້ມຕົນເອງ.4: ລະດັບການສຶກສາ ຈົບມັດທະຍົມຕອນປາຍຂຶ້ນໄປ, ສາມາດນໍາໃຊ້ຄອມພິວເຕີ ແລະ ຕ້ອງໄດ້ພາສາອັງກິດ (ເວົ້າ, ຂຽນ, ແປ).5: ມີຊີວະປະຫວັດຈະແຈ້ງ, ມີຄຸນສົມບັດມະນຸດສຳພັນດີ, ມີຄວາມອົດທົນ, ດຸຫມັ່ນ, ມີສຸຂະພາບແຂງແຮງ, ສາມາດລອຍນໍ້າໄດ້ດີ, ມີຄວາມສະຫລາດຄ່ອງແຄ້ວໃນການແກ້ໄຂບັນຫາສະເພາະຫນ້າ, ມີຄວາມມັກຮັກ ອາຊີບບໍລິການ ຜູ້ໂດຍສານເທິງເຮືອບິນ ແລະ ມີນໍ້າໃຈຮັບຜິດຊອບສູງຕໍ່ຫນ້າທິ່ດັ່ງກ່າວ.6: ບໍ່ເຄີຍມີຄະດີຕ່າງໆ, ບໍ່ໃຫ້ມີສັກລາຍໃສ່ຕົນໂຕ, ບໍ່ເຄີຍປະສົບອຸບັດເຫດ ຫລື ຜ່າຕັດມາກ່ອນ.7: ຜູ້ສະຫມັກມີພື້ນຖານ ແລະ ອາໄສຢູ່ ແຂວງຫລວງພະບາງ ຈະໄດ້ຮັບການພິຈາລະນາເປັນພິເສດຈໍານວນ 10 ຄົນ, ເພື່ອປະຕິບັດຫນ້າທີ່ຢູ່ຫລວງພະບາງ, ກະລຸນາພົວພັນເອົາເອກະສານສະຫມັກ ໄດ້ທີ່ສາຂາ ການບິນລາວຫລວງພະບາງ ໃນໂມງລັດຖະການ ໂທ : 071 212172.8: ຜູ້ສົນໃຈສະຫມັກ ຢູ່ນະຄອນຫລວງວຽງຈັນ ກະລຸນາພົວພັນເອົາ ເອກະສານສະຫມັກ ນັບແຕ່ມື້ປະກາດເປັນຕົ້ນໄປ, ຢູ່ຊັ້ນ 03 ພະແນກຈັດຕັ້ງ-ພະນັກງານ, ສໍານັກງານໃຫຍ່ການບິນລາວ, ຖະຫນົນປາງຄໍາ, ບ້ານຊຽງຍືນ, ເມືອງຈັນທະບູລີ, ນະຄອນຫລວງ.# ໃນໂມງລັດຖະການ ໂທ: 021 212057 ຕໍ່ 109# ປິດຮັບສະຫມັກ ວັນທີ 31 ທັນວາ 2007# ສອບເສັງຄັດເລືອກຢູ່ນະຄອນຫລວງວຽງຈັນ ວັນທີ 15 ມັງກອນ 2008, ຫລວງພະບາງ ວັນທີ 20 ມັງກອນ 2008...............................ຄັດຈາກຫນັງສືພິມ ປະຊາຊົນ.
Luang Prabang 2 Day.com
.com
