Luang Prabang Today

Members Login

Post Info

TOPIC: ປີ 2007 ເສດຖະກິດ ຫລວງພະບາງ ຂະຫຍາຍຕົວໃນລະດັບ 7,2%

Luangprabang2day

Veteran Member

Status: Offline

Posts: 78

Date: Oct 19, 2007

ປີ 2007 ເສດຖະກິດ ຫລວງພະບາງ ຂະຫຍາຍຕົວໃນລະດັບ 7,2%	Permalink

ຕາມການລາຍງານຂອງ ທ່ານ ທອງສະຫວັນ ສຸວັນນະລິດ, ວິຊາການພະແນກແຜນການ-ການລົງທຶນແຂວງຫລວງພະບາງ ໃຫ້ຮູ້ວ່າ: ໃນສົກປີ 2006-2007 ເສດຖະກິດແຂວງຫລວງ ພະບາງໄດ້ຂະຫຍາຍຕົວເພີ່ມຂຶ້ນຢ່າງຕໍ່ເນື່ອງໃນລະດັບ 7,2% ລວມຍອດຜະລິດຕະພັນພາຍ ໃນ ຫລື ຈີດີພີ ບັນລຸ ໄດ້ 2.189,34 ຕື້ກີບກວມຍອດຜະລິດຕະພັນກະສິກຳ 46% ຂອງຈີດີ ພີ ເພີ່ມຂຶ້ນ 7% ເທົ່າກັບ 1.006 ຕື້ກີບ, ຍອດຜະລິດຕະພັນອຸດສາຫະກຳ 18% ຂອງ ຈີດີ ພີເພີ່ມຂຶ້ນ 7,2% ເທົ່າກັບ 395 ຕື້ກີບແລະຍອດຜະລິດຕະພັນດ້ານການບໍລິການກວມ 36% ຂອງຈີດີພີເພີ່ມຂຶ້ນ 7,3% ເທົ່າ 788 ຕື້ກີບ ແລະປະຕິບັດ 7 ແຜນງານຍຸດທະສາດສຳເລັດ. ໃນນັ້ນ, ແຜນງານຜະລິດສະບຽງອາຫານ ໂດຍສະເພາະເຂົ້າແມ່ນບໍ່ໄດ້ຕາມຄາດຫມາຍທີ່ວາງ ໄວຍ້ອນເນື້ອທີ່ນາຖືກນ້ຳຖ້ວມ, ໄພແຫ້ງແລ້ງ,ຊົນລະປະທານຖືກເປ່ເພເຮັດໃຫ້ການສະຫນອງ ນ້ຳໃນເນື້ອທີ່ນາບໍ່ພຽງພໍເຊິ່ງທົ່ວແຂວງສາມາດປູກເຂົ້ານາປີ ແລະ ນາແຊງໄດ້ 14.285 ເຮັກ ຕາ, ເນື້ອທີ່ໄຮ່ຫມູນວຽນ ແລະໄຮ່ຄົງທີ່ໄດ້ 22.865 ເຮັກຕາ, ຜົນຜະລິດເຂົ້າທັງຫມົດ ມີພຽງ 79.432 ໂຕນ ຕ້ອງໄດ້ຊື້ເຂົ້າຈາກທາງນອກປະມານ 66 ພັນກວ່າໂຕນຈິ່ງພໍກິນ, ດ້ານແຜນ ງານຜະລິດເປັນສິນຄ້າ ໄດ້ເອົາໃຈໃສ່ຊຸກຍູ້ຊາວກະສິກອນທຳການຜະລິດເປັນສິນຄ້າເດັ່ນກວ່າ ຫມູ່ແມ່ນປູກສາລີຫວານ 3.464 ເຮັກຕາ, ສາລີແຂງ 6.665,1 ເຮັກຕາ, ຫມາກເດືອຍ 5.5 83,6 ເຮັກຕາ, ຫມາກງາ 8,14 ເຮັກຕາ, ເຜືອກມັນ 1.112 ເຮັກຕາ, ມັນຕົ້ນ 3.150 ເຮັກ ຕາ, ຖົ່ວຂຽວ 168 ເຮັກຕາ, ຖົ່ວດິນ 1.836 ເຮັກຕາ, ຝ້າຍ 150 ເຮັກຕາ, ຜັກທຽມ 893 ເຮັກຕາ, ຜັກບົ່ວ 396 ເຮັກຕາ, ຜັກຫອມປ້ອມ 229 ເຮັກຕາແລະອື່ນໆອີກ. ພ້ອມນີ້, ການ ລ້ຽງສັດກໍເຫັນວ່າເພີ່ມຂຶ້ນເປັນຕົ້ນງົວເພີ່ມຂຶ້ນ 6%, ຫມູ ເພີ່ມຂຶ້ນ 3%, ແບ້ + ແກະເພີ່ມຂຶ້ນ 3% ແລະສັດປີກເພີ່ມຂຶ້ນ 5%. ສາມາດຢຸດຕິການຖາງປ່າເຮັດໄຮ່ໄດ້ 157 ບ້ານ, ມອບດິນ-ມອບປ່າໄດ້ 155 ບ້ານ ເຮັດໃຫ້ເນື້ອທີ່ໄຮ່ຍັງເຫລືອ 15. 946 ເຮັກຕາແລະສາມາດລຶບລ້າງ ຄວາມທຸກຍາກໄດ້ 3.939 ຄອບຄົວ.ດ້ານການທ່ອງທ່ຽວ ແລະບໍລິການໄດ້ມີການປັບປຸງແລະ ພັດທະນາແຫລ່ງທ່ອງທ່ຽວຫລາຍແຫ່ງ, ໂຮງແຮມ, ເຮືອນພັກ, ຮ້ານອາຫານ ແມ່ນພຽງພໍກັບ ຄວາມຕ້ອງການ ໄດ້ມາດຕະຖານສາກົນ, ບໍລິການຂົນສົ່ງມີຄວາມ ສະດວກ, ປອດໄພ ແລະ ສະຫງົບດີ ສາມາດຮອງຮັບນັກທ່ອງທ່ຽວໄດ້ 3.000 ກວ່າຄົນຕໍ່ວັນ. ພ້ອມກັນນັ້ນ, ດ້ານການ ກໍ່ສ້າງພື້ນຖານໂຄງລ່າງ, ມາຮອດປະຈຸບັນ, ສາມາດຜະລິດກະແສໄຟຟ້າໄດ້ 48.085 ກິໂລ ວັດໂມງ ເຮັດໃຫ້ທົ່ວແຂວງໄດ້ຊົມໃຊ້ໄຟຟ້າທັງຫມົດ 490 ບ້ານ ມີ 35.489 ຄອບຄົວ ແລະ ຍອດມູນຄ່າຜະລິດຕະພັນດ້ານບໍ່ແຮ່ ປະຕິບັດໄດ້ 8,04 ຕື້ກີບ ແລະດ້ານການຮ່ວມມືກັບຕ່າງ ປະເທດໃນສົກປີທີ່ຜ່ານມາ ແຂວງຫລວງພະບາງສາມາດຍາດແຍ່ງ ແລະ ດຶງດູດການລົງທຶນ ພາຍໃນ ແລະ ຕ່າງປະເທດໄດ້ທັງຫມົດ 67 ໂຄງການມີມູນຄ່າຈົດທະບຽນທັງຫມົດ 27.19 5.550,05 ໂດລາສະຫະລັດ. ໃນນັ້ນ ໂຄງການລົງທຶນຂອງຕ່າງປະເທດ 29 ໂຄງການແລະ ໂຄງການລົງທຶນຂອງພາຍໃນ 38 ໂຄງການ. From: http://www.ecom.org.la -- Edited by Luangprabang2day at 08:52, 2007-10-23 __________________ Luang Prabang 2 Day.com

Page 1 of 1 sorted by

Tweet this page

Post to Digg

Post to Del.icio.us

Create your own FREE Forum
Report Abuse