Luang Prabang Today

Members Login
Username 
 
Password 
    Remember Me  
Luang Prabang Today -> LPB2D -> Highlight from Laos in the 24th Sea Games closing ceremony
Post Info TOPIC: Highlight from Laos in the 24th Sea Games closing ceremony
Luangprabang2day


Veteran Member

Status: Offline
Posts: 78
Date:
Highlight from Laos in the 24th Sea Games closing ceremony
Permalink   

                

ມະຫາກຳກິລາຂອງບັນດາກຸ່ມປະເທດສະມາຊິກອາຊຽນຄັ້ງທີ່ 24 ຫລື Sea Games ໄດ້ປິດລົງຢ່າງເປັນທາງການແລ້ວ, ເຊິ່ງພິທີປິດໄດ້ມີຂຶ້ນໃນ ວັນເສົາ ທີ 14 ທັນວາ ທີ່ຜ່ານມາ ທີ່ ແຂວງນະຄອນລາດຊະສີມາ, ປະເທດໄທ.
ເຊິ່ງໄດ້ມີການຖ່າຍທອດສົດທາງສະຖານີໂທລະພາບ, ໂດຍສະເພາະບັນດາປະເທດສະມາຊິກອາຊຽນ ລວມທັງສະຖານີໂທລະ ພາບແຫ່ງຊາດລາວ ແລະ ລາວສະຕາແຊນແນວນໍາອີກ.

ພິທີໄດ້ເລີ້ມຂຶ້ນດ້ວຍການສະແດງອັນສວຍງາມຂອງປະເທດເຈົ້າພາບ, ຫລັງຈາກນັ້ນກໍ່ມີການກ່າວພິທີຂອງທາງຄະນະກຳມະ ການ, ແລະພິທີທີ່ປະຊາຊົນລາວທັງປະເທດກຳລັງຄອຍຄອຍຣັບຊົມກໍ່ຄືພິທີມອບທຸງເພື່ອຣັບຫນ້າທີ່ເປັນເຈົ້າພາບໃນຄັ້ງຕໍ່ໄປ ຄື Vientiane Games ຫລື Sea Games ຄັ້ງທີ່ 25 ນັ້ນເອງ.

                  

ເຊິ່ງຕາງຫນ້າໃຫ້ແກ່ຝ່າຍລາວເຂົ້າຣັບທຸງ ນຳໂດຍ ທ່ານ ສົມສະຫວາດ ເລັ່ງສະຫວັດ ຣອງນາຍຍົກລັດທະມົນຕີ ຜູ້ປະຈຳການລັດຖະບານ, ພາຍຫລັງທີ່ທ່ານ ໄດ້ຣັບເອົາທຸງ ອັນເປັນສັນຍາລັກວ່າ ລາວພ້ອມທີ່ຈະເປັນ ເຈົ້າພາບໃນຄັ້ງຕໍ່ໄປແລ້ວ, ການສະແດງຈາກລາວຈຶ່ງເລີ້ມຂຶ້ນ ເຊິ່ງນໍາຂະບວນໂດຍສັດສັນຍາລັກ ຫລື Mascot ໃນວຽງຈັນເກມ 2009, ນັ້ນກໍ່ຄືຊ້າງ ທ້າວ ຈຳປາ ແລະ ນາງ ຈຳປີ ແລະ ຕິດຕາມດ້ວຍກອງສິລະປະກອນ.

                 

       ການສະແດງຊຸດທຳອິດໄດ້ເລີ້ມຂຶ້ນ ເມື່ອສຽງແຄນໄດ້ດັງກ້ອງໄປທົ່ວສະຫນາມ ດ້ວຍບົດຟ້ອນ " ສຽງແຄນລາວ "  ເຊິ່ງໄດ້ສະແດງໃຫ້ເຫັນຄວາມເປັນເອກະລັກຂອງລາວ, ຜ່ານສຽງແຄນອັນເປັນເຄື່ອງດົນຕີປະຈຳຊາດ, ເຊິ່ງການສະແດງ ດັ່ງກ່າວ ໄດ້ສະແດງໃຫ້ເຫັນ, ຄວາມຜູກພັນຂອງສຽງແຄນກັບຊົນຊາດລາວ.

                  

      ການສະແດງຕິດຕາມມາດ້ວຍບົດຟ້ອນພື້ນເມືອງອັນເກົ່າແກ່ " ຊົມແສງອາລຸນ " ເຊິ່ງບົດຟ້ອນດັ່ງກ່າວໄດ້ມີຂຶ້ນ ທີ່ຫລວງພະບາງ ມາເປັນມາເວລາດົນນານ ໂດຍໄດ້ຣັບແນວຄວາມຄິດ ມາຈາກ ວັນນະກຳພື້ນເມືອງລາວ ອັນຍິ່ງໃຫຍ່ ພະລັກພະລາມ , ການສະແດງດັ່ງກ່າວແມ່ນສະແດງໃຫ້ເຫັນ ວາດຊົງອັນສະຫງຽມຄ່ຽມຄົມ ແລະ ໄມຕີຈິດມິດຕະພາບ ຂອງສາວລາວ.

                   

     ການສະແດງຕິດຕາມມາດ້ວຍການສະແດງຂອງຊົນເຜົ່າ" ຟ້ອນລາວສູງກິນຈຽງ "... ຫລັງຈາກນັ້ນການສະແດງ ຈົບລົງ ດ້ວຍບົດເພງ ທີ່ມີເນື້ອໃນເຖິງ ຄວາມຍິນດີຕ້ອນຣັບສູ່ Sea Games ຄັ້ງທີ່ 25, ເຊິ່ງຂັບຣອງໂດຍ ນັກຣ້ອງກິຕິມະສັກ ຈາກລາວ, ລວມທັງ ອະເລັກຊານດາ ບຸນຊ່ວຍ ນັກຣ້ອງ-ນັກສະແດງຊື່ດັງຈາກລາວນໍາອີກ.

     ໃນຂະນະທີ່ມີການສະແດງຢູ່ນັ້ນ, ທີ່ນະຄອນຫລວງວຽງຈັນກໍ່ໄດ້ມີການຈູດບັ້ງໄຟດອກຂຶ້ນຢ່າງສວຍງາມ, ສຽງດັງກ້ອງ ສະນັ່ນຫວັ່ນໄຫວໄປທົ່ວເມືອງ, ເຊັ່ນດຽວກັບປະຊາຊົນລາວທັງປະເທດຕ່າງກໍ່ມີຄວາມພາກພູມໃຈທີ່ຈະໄດ້ຣ່ວມກັນເປັນເຈົ້າ ພາບ, ສ່ວນທີ່ເມືອງມໍລະດົກໂລກຫລວງພະບາງກໍ່ໄດ້ມີການຈູດບັ້ງໄຟດອກຢ່າງສວຍງາມເພື່ອຣ່ວມພາກພູມໃຈກັບຊາວ ລາວທັງປະເທດເຊັ່ນກັນ.


-- Edited by Luangprabang2day at 09:29, 2007-12-18

__________________
Page 1 of 1  sorted by
Quick Reply

Please log in to post quick replies.
Luang Prabang Today -> LPB2D -> Highlight from Laos in the 24th Sea Games closing ceremony
Tweet this page Post to Digg Post to Del.icio.us


Create your own FREE Forum
Report Abuse 		Powered by ActiveBoard