Luang Prabang Today

Members Login

Post Info

TOPIC: Know more about Ananda and Khamly in "Sabaidee Luang Prabang" !

Luangprabang2day

Veteran Member

Status: Offline

Posts: 78

Date: Dec 21, 2007

Know more about Ananda and Khamly in "Sabaidee Luang Prabang" !	Permalink

ຂໍ້ມູນຈາກ ວາລະສານ Update ສະບັບທີ 23 ປີ 2007 ກ່ຽວກັບນັກສະແດງນໍາຝ່າຍຊາຍ (ພະເອກ)ຮູບເງົາເລື່ອງ “ ສະບາຍດີ ຫລວງພະບາງ ” ເຊິ່ງກຳລັງຖ່າຍທຳຢູ່ໃນຂະນະນີ້ Ananda EVERINGHAM ສະແດງເປັນ ທ້າວ ສອນ ເປັນຊາຍຫມຸ່ມລູກຊອດລາວ-ອົດສະຕາລີ ທີ່ໄດ້ກັບມາຢາມບ້ານເກີດຂອງພໍ່ ເຊິ່ງກົງກັນຂ້າມກັບຊີວິດຈິງຂອງລາວ, ທີ່ມີແມ່ເປັນຄົນລາວແລະພໍ່ເປັນຄົນອົດສະຕາລີ.ລາວມີ ອາຍຸ 25 ປີ ແລະ ມີແຟນແລ້ວ, ລາວບອກວ່າ ມັກປະເທດລາວຫລາຍ ໂດຍສະເພາະແມ່ນຮອຍຍິ້ມຂອງຜູ້ຄົນ ແລະ ທຳມະຊາດ ເຊິ່ງມັນແຕກຕ່າງຈາກກຸງເທບຫລາຍ, ລາວເລົ່າວ່າ ເຄີຍໄດ້ລົມກັບແມ່ ວ່າຢາກມາຢູ່ເມືອງລາວ ເຊິ່ງຄິດເອົາໄວ້ວ່າ ຈະມາຢູ່ຫລວງພະບາງ ເພາະວ່າອາກາດດີຫລາຍ.“ ບາງທີຂ້ອຍອາດມາຢູ່ລາວກໍ່ເປັນໄດ້ ” ອະນັນດາ ກ່າວຕໍ່ວາລະສານ Update.ອະນັນດາ ເຄີຍສະແດງຮູບເງົາມາແລ້ວ 11 ເລື່ອງ ແລະ ລະຄອນໂທລະພາບຂອງໄທ 4 ເລື່ອງ. ກ່ຽວກັບນັກສະແດງນໍາຝ່າຍຍິງ (ນາງເອກ)ນາງເອກ ມີຊື່ວ່າ ຄໍາລີ້ ພິລາວົງ (ອາລີ້), ອາຍຸ 19 ປີ (ຍັງບໍ່ທັນມີແຟນເດີ່!), ອາລີ້ ສະແດງເປັນນາງນ້ອຍ.ໃນຊີວິດຈິງ ອາລີ້ ອາໄສຢູ່ ບ້ານ ຊຽງຍືນ, ເມືອງຈັນທະບູລີ, ນະຄອນຫລວງວຽງຈັນ, ແມ່ເປັນຄົນລາວ, ສ່ວນພໍ່ເປັນລູກຊອດລາວ-ຈີນ (ຖືສັນຊາດຈີນ) ປັດຈຸບັນອາໄສຢູ່ທີ່ສະຫະລັດອາເມລິກາ.ອາລີ້ ຈົບມັດທະຍົມຈາກ ໂຮງຮຽນລຽວໂຕ ສົກຮຽນ 2006-07 ທີ່ຜ່ານມາ, ປັດຈຸບັນກຳລັງສຶກສາຕໍ່ທີ່ປະເທດຈີນໃນຂະແຫນງສິ່ງແວດລ້ອມ.ປະສົບການດ້ານການບັນເທີງຂອງນາງຜ່ານມາຄື: ໄດ້ຮັບຕຳແຫນ່ງອັນດັບສາມ ໃນງານປະກວດນາງງາມລັກ ປີ 2006, ໄດ້ເປັນນາງແບບໂຄສະນາໃຫ້ແກ່ບໍລິສັດ ລາວ-ເອເຊຍ ໂທລະຄົມ, ໄດ້ຜ່ານເຂົ້າຮອບ 18 ຄົນ ຂອງ ງານປະກວດ ນາງສາວ ອາພອນລາວ ປີ 2006, ແຕ່ບໍ່ໄດ້ຮັບລາງວັນໃດເລີຍ.ນາງກ່າວວ່າ ໃນການສະແດງຮ່ວມກັບ ອະນັນດາ ຄັ້ງນີ້ ຖືວ່າເປັນຄັ້ງທຳອິດໃນການສະແດງຂອງນາງ ແລະ ມັນກໍ່ເປັນຄວາມໄຝ່ຝັນຂອງນາງມາດົນແລ້ວ, ອາລີ້ ຖືກຄັດເລືອກ ໃຫ້ສະແດງເປັນ ນາງເອກໃນເລື້ອງນີ້ ກໍ່ຍ້ອນວ່າບຸກຄະລິກ ແລະ ທ່າທາງຂອງນາງເອົາຊະນະໃຈທີມງານຄັດເລືອກຈາກບໍລິສັດ ລາວ ອາຣ໌ທ ມີເດຍ. ທາງບໍລິສັດ ລາວ ອາຣ໌ທມີເດຍ ຫວັງຈະໃຫ້ຮູບເງົາ “ສະບາຍດີຫລວງພະບາງ” ອອກມາດີທີ່ສຸດ ແລະ ສາມາດຕີຕະຫລາດຕ່າງປະເທດ, ເຊິ່ງວາງເປົ້າຫມາຍໄວ້ທີ່ ຝຣັ່ງເສດ, ເກົາຫລີ ແລະ ຍີ່ປຸ່ນ”.ການລົງທຶນໃຫຍ່ຂອງບໍລິສັດ ລາວ ອາຮ໌ທ ມີເດຍ ຄັ້ງນີ້, ເຊິ່ງນອກຈາກຈະໃຊ້ນັກສະແດງນໍາຊາຍຈາກຕ່າງປະເທດແລ້ວ, ຍັງໃຊ້ຄະນະຖ່າຍທຳຄຸນນະພາບຈາກບໍລິສັດ”ສະຫຍາມ ໄລທ໌ ຟີມ” ເຊິ່ງເປັນບໍລິສັດໃຫຍ່ທີ່ມີອຸປະກອນຖ່າຍທຳຄົບຊຸດ ແລະ ມີປະສົບການຖ່າຍທຳຢູ່ຫລາຍໆປະເທດມາແລ້ວ, ເຊິ່ງເພິ່ນໄດ້ຍົກທີມງານຄຸນນະພາບມາເມືອງລາວເຖິງ 40 ຄົນ ເພື່ອໃຫ້ຜົນງານອອກມາດີ.ຜູ້ຈັດການຂອງບໍລິສັດ ລາວ ອາຣ໌ທ ມີເດຍ ທ່ານ ດວງມະນີ ໂພສີພັນ ກ່າວຢືນຢັນຕໍ່ວາລະສານ Update ວ່າ ຮູບເງົາເລື່ອງສະບາຍດີຫລວງພະບາງບໍ່ໄດ້ແມ່ນການສ້າງແບບສະຫມັກຫລິ້ນ.ນັກສະແດງປະກອບນັ້ນໂດຍສ່ວນໃຫຍ່ ແມ່ນຄັດເລືອກມາຈາກ ກອງລະຄອນເວົ້າສູນກາງ, ສ່ວນສະຖານທີ່ຖ່າຍທຳທັງຫມົດແມ່ນຢູ່ລາວ ລວມມີ : ນະຄອນຫລວງວຽງຈັນ, ຫລວງພະບາງ ແລະ ຈຳປາສັກ, ເຊິ່ງເນື້ອໃນແມ່ນເວົ້າເຖິງຄວາມສວຍງາມຂອງເມືອງລາວ, ວັດທະນະທຳຮີດຄອງປະເພນີອັນດີງາມຂອງຊາວລາວ.“ພວກເຮົາໃສ່ຊື່ເລື່ອງວ່າ ສະບາຍດີຫລວງພະບາງ ກໍ່ຍ້ອນວ່າ ຊື່ສຽງຂອງເມືອງຫລວງພະບາງນັ້ນເປັນທີ່ຮູ້ຈັກດີຂອງຊາວໂລກ ແລະ ຄຳວ່າ ສະບາຍດີກໍ່ເປັນເອກະລັກຂອງລາວ” ທ່ານດວງມະນີກ່າວ.ການຖ່າຍທຳຮູບເງົາເລື້ອງນີ້ ໄດ້ເປີດກ້ອງມາແຕ່ວັນທີ 27 ເດືອນ 11, 2007 ແລະ ຄາດວ່າ ຈະປິດກ້ອງລົງໃນກາງເດືອນ 1, 2008 ທີ່ຈະມາເຖິງນີ້. __________________ Luang Prabang 2 Day.com

Anonymous

Date: Dec 21, 2007

RE: Know more about Ananda and Khamly in "Sabaidee Luang Prabang" !	Permalink

I'm living overseas, I wish I could subscribe to this magazine. It's only 10,000 kip, that's pretty cheap. __________________

Anonymous

Date: Dec 23, 2007

	Permalink
Ananda get rid of your facial hair and you will look more handsome. __________________

Laos2beLaos

Date: Apr 27, 2008

RE: Know more about Ananda and Khamly in "Sabaidee Luang Prabang" !	Permalink

Hey , What about in America. I want to see and own that movie too. __________________

Page 1 of 1 sorted by

Tweet this page

Post to Digg

Post to Del.icio.us

Create your own FREE Forum
Report Abuse